BCH 64-65, p. 175

1      Τοὺς θύοντας τῶι Θεογένηι
2      . . . . . . . ἀπάρχεσθαι εἰς τὸν θη-
3      σαυρὸν μὴ ἔλασσον ὀβολοῦ. Τῶι δὲ
4      μὴ ἀπαρξαμένωι καθότι προγέ-
5      γραπται ἐνθυμιστὸν εἶναι. Τὸ δὲ
6      πεσούμενον χρῆμα ἑκάστου ἐνι-
7      αυτοῦ δοθῆναι τῶι ἱερομνήμονι.
8      Τὸν δὲ φυλάσσειν ἕως ἂν συνα-
9      χθῶσιν δραχμαὶ χίλιαι. Ὅταν δὲ
10    τὸ προγεγραμμένον πλῆθος
11    συναχθῆι βουλεύσασθαι τὴν βου-
12    λὴν καὶ τὸν δῆμον εἰς τί ἀνάθημα
13    ἢ κατασκεύασμα ἀναλωθή-
14    σεται τῶι Θεογένει.

English
Nederlands

© KU Leuven, 2012